«Жер сілкінісі кезіндегі мектеп басшылығының, педагогикалық ұжымның және оқушылардың іс-әрекеті» тақырыбы бойынша сейсмикалық жаттығу өткізілді. Жаттығуға 8-11 сынып оқушылары мен мектеп қызметкерлері қатысты. Жаттығу аясында жер сілкінісі кезіндегі әрекет, қауіпсіздік мәселелері туралы айтылды.

🏆Құттықтаймыз! Қазақстан Республикаының 35 жылдығына орай өткен қалалық "Отанымның шежіресі-бояулар сөйлегенде" атты шығармашылық сурет байқауына мектебіміздің оқушылары қатысып, өз өнерлерін көрсетті. Оқушыларымыз арнайы сертификаттармен марапатталды🎗

Ұстаз – жүректің шуағы Ұстаз – жүректің шуағы, мейірім мен парасаттың қайнары. Ол шәкіртін білімге ғана емес, адамдыққа, адалдыққа, биік арманға жетелейтін дара тұлға. Шәкіртінің әрбір жетістігіне қуанып, әрбір қадамын жіті бақылап, оның тұлға болып қалыптасуына бағыт-бағдар береді. Ұстаздың еңбегі – мәңгілік, ал оның жүрегіндегі мейірім – өмір бойы өшпейтін жарық. 🌿                                                        

1 қазан – Қарттар күні ✨ Бұл күн – өмір жолын өнегеге айналдырған, ақылымен асыл, жүрегімен мейірімге толы ардақты қарттарымызға арналған мереке. ❤️Осы орайда ауыл қарияларына арналған азық-түлік таратылып, сый-құрмет көрсетілді.       

“Буллингтің алдын алудағы ата-ананың рөлі” тақырыбында ата-аналар жиналысы өткізілді №7 ЖББМ КММ-де 11–13 қыркүйек аралығында мектеп психологтары тарапынан “Буллингтің алдын алудағы ата-ананың рөлі” тақырыбында ата-аналармен ақпараттық-танымдық жиналыстар ұйымдастырылды. Жиналыстың негізгі мақсаты — ата-аналардың буллингтің себептері, түрлері және оның балалар психологиясына әсері жөнінде хабардарлығын арттыру, сондай-ақ отбасы мен мектеп арасындағы тиімді өзара әрекеттестікті нығайту болды.