31 мамыр – Саяси қуғын-сүргін және ашаршылық құрбандарын еске алу күні
31 мамыр – Саяси қуғын-сүргін және ашаршылық құрбандарын еске алу күніне орай мектебімізде оқушылардың қатысуымен дөңгелек үстел ұйымдастырылды. Іс-шара барысында қазақ халқының тарихындағы ең ауыр әрі қасіретті кезеңдердің бірі – саяси қуғын-сүргін мен ашаршылық жылдары туралы кеңінен айтылды. Жазықсыз жапа шеккен арыстарымыз бен миллиондаған құрбандардың тағдыры еске алынып, олардың рухына тағзым көрсетілді. Оқушылар тарихи оқиғаларға қатысты өз ойларын ортаға салып, архивтік деректер мен тағылымы мол мәліметтерге тоқталды. Сонымен қатар ел тәуелсіздігі жолында құрбан болған азаматтардың ерлігі мен қайсарлығы туралы пікір алмасты.
Дөңгелек үстел барысында қатысушылар өткен тарихтан тағылым алу, ұлттық құндылықтарды дәріптеу және бейбіт өмірдің қадірін түсіну жөнінде ой бөлісті. Оқушылар тарихи жадыны сақтау – әрбір азаматтың парызы екенін атап өтіп, халқымыз бастан өткерген қиын кезеңдердің ұмытылмауы керектігін айтты. Шараның негізгі мақсаты – жас ұрпақтың тарихи санасын қалыптастыру, ел тарихына деген құрмет сезімін арттыру, отансүйгіштікке тәрбиелеу және өткеннен сабақ алуға шақыру. Осындай тәрбиелік мәні зор іс-шаралар оқушылардың рухани-адамгершілік құндылықтарын нығайтып, тарихи танымын кеңейтуге ықпал етеді.
